www.moothan.com

Moothan.com is a Community Website From The District of Palakkad, Kerala State,

[WebSite Initially Hosted On - September 9 , 2009 ] , [Site Last Updated On 09/08/2026] 

-----------------------------------------------------------------------------------------------------------------------------------------------------------

മൂത്താൻ സമുദായത്തെ കുറിച്ച്

'മൂത്താൻ' സമുദായം കേരള സംസ്ഥാനത്തെ സാമൂഹികമായി മുന്നോക്കം നിൽക്കുന്ന ഹിന്ദു വൈശ്യ വിഭാഗമാണ്. പ്രധാനമായും, പാലക്കാട് ജില്ല കേന്ദ്രീകരിച്ചാണ് ഇവർ അധിവസിക്കുന്നത്. ഈ സമുദായത്തിന്റെ വിഭാഗങ്ങൾ മൂത്താൻ, ഗുപ്തൻ/ഗുപ്ത സമുദായം എന്നീ പേരുകളിൽ വ്യാപകമായി അറിയപ്പെടുന്നു. സാംസ്കാരികമായി ഇവരോട് സാമ്യമുള്ള മറ്റ് സമുദായങ്ങളാണ് തരകൻ, മന്നാടിയാർ എന്നിവ.

കുടിയേറ്റ ചരിത്രം

ഇന്നത്തെ കേരള സംസ്ഥാനം രൂപീകൃതമാകുന്നതിന് മുൻപ് തന്നെ തമിഴ്‌നാട്, ആന്ധ്രാപ്രദേശ് തുടങ്ങിയ ദക്ഷിണേന്ത്യൻ സംസ്ഥാനങ്ങളിൽ നിന്ന് കേരളത്തിലേക്ക് കുടിയേറിയവരാണ് മൂത്താൻ സമുദായക്കാർ  എന്നാണ് വിശ്വസിക്കപെടുന്നത്. സമുദായത്തിന്റെ കേരളത്തിലേക്കുള്ള കുടിയേറ്റത്തെക്കുറിച്ച് പലതരം കഥകൾ പ്രചരിക്കുന്നുണ്ടെങ്കിലും, യഥാർത്ഥ കുടിയേറ്റവുമായി ബന്ധപ്പെട്ട കൃത്യമായോ, ചരിത്രപരമായോ രേഖപ്പെടുത്തിയ തെളിവുകൾ ലഭ്യമല്ല.

കുടിയേറ്റവുമായി ബന്ധപ്പെട്ട ചില ഐതിഹ്യങ്ങൾ

സമുദായത്തിലെ ഒരു വിഭാഗം തങ്ങൾ കണ്ണകി ദേവിയുടെ അനുയായികളാണെന്നും അവരോടൊപ്പം മധുരയിൽ നിന്ന് കേരള പ്രദേശത്തേക്ക് കുടിയേറിയവരാണെന്നും വിശ്വസിക്കുന്നു. കണ്ണകിയെ അനുഗമിച്  ഇന്നത്തെ കേരള പ്രദേശത്തേക്ക് യാത്ര ചെയ്തത കഥ ദക്ഷിണേന്ത്യയിൽ  പ്രസിദ്ധമാണ്.  ഇന്നും കണ്ണകി ദേവിയെ പ്രധാന ദേവതയായി ആരാധിക്കുന്ന ഏക സമുദായമാണ് മൂത്താന്മാർ. പാലക്കാട് മൂത്താന്തറയിൽ ഇവർക്ക് കണ്ണകി ഭഗവതി ക്ഷേത്രം എന്ന പേരിൽ പ്രസിദ്ധവും ഗംഭീരവുമായ ഒരു ക്ഷേത്രമുണ്ട്. കണ്ണകിയുടെ സ്വാധീനം ഇന്നും പാലക്കാടിൽ വളരെ ശക്തമായി തുടരുന്നു,

കണ്ണകിയുടെ കഥയ്ക്ക് പാലക്കാട്ടെ മൂത്താൻ സമുദായത്തിൽ ഉറച്ച വേരുകൾ ഉണ്ട്. പാലക്കാട്ടെ വള്ളുവനാട് മേഖലകളിൽ അവരുമായി ബന്ധപ്പെട്ട മറ്റൊരു കഥയാണുള്ളത്. അവർ ഭദ്രകാളിയെയാണ് ആരാധിക്കുന്നത്.  ഇത്  പ്രാദേശിക വിശ്വസവുമായി ലയിച്ചതിന്റെ ഭാഗമായി കണക്കാക്കേണ്ടതുണ്ട്. ഇവിടെയുള്ളവർ ഇന്നത്തെ തമിഴ്‌നാട്ടിലെ (തഞ്ചാവൂർ, ചെന്നൈ) ചോളമണ്ഡലം പ്രദേശങ്ങളിൽ നിന്നോ ആന്ധ്രാപ്രദേശിലെ ചില പ്രദേശങ്ങളിൽ നിന്നോ കുടിയേറിയവരാണെന്നും വിശ്വസിക്കുന്നു.

കഥ ചുരുക്കത്തിൽ ഇങ്ങനെയാണ്, താഴ്ന്ന സമുദായത്തിൽപ്പെട്ട രാജാവ് തന്റെ കൊട്ടാരത്തിലെ സ്വാധീനമുള്ള ഉദ്യോഗസ്ഥന്റെ മകളെ വിവാഹം കഴിക്കാൻ ആഗ്രഹിച്ചു, ആ ഉദ്യോഗസ്ഥൻ ( മന്ത്രി ) ഇത് നിഷേധിച്ചു എന്നാണ് പറയപ്പെടുന്നത്, കാരണം അന്നത്തെ സാമൂഹിക ജാതി വ്യവസ്ഥ ഇത്തരത്തിലുള്ള ബന്ധങ്ങൾ അനുവദിച്ചിരുന്നില്ല. അല്ലെങ്കിൽ ഈ വിവാഹബന്ധം ഒഴിവാക്കാൻ മറ്റ് ചില സാധുവായ കാരണങ്ങളുണ്ടായിരുന്നു എന്നു വേണം വിശ്വസിക്കാൻ. ഒരുപക്ഷേ ഇത് രാജാവുമായുള്ള ബന്ധത്തിൽ വലിയ വിള്ളൽ സൃഷ്ടിച്ചിരിക്കാം. ഈ നിർണായക സാഹചര്യത്തിന്റെ അനന്തരഫലങ്ങൾ കൊണ്ട് രാജാവിന്റെ കോപത്തിൽ നിന്ന് രക്ഷപ്പെടാനും സമുദായത്തെ വിപത്തിൽ നിന്ന് രക്ഷിക്കാനും, മുഴുവൻ സമുദായത്തെയും പൂർണ്ണമായും സുരക്ഷിതമായ ഒരു സ്ഥലത്തേക്ക് മാറ്റിപാർപ്പിക്കാൻ നിർബന്ധിതരാക്കിയിരിക്കാം എന്നും ചിന്തിക്കേണ്ടിയിരിക്കുന്നു.

മറ്റൊരു കാരണം 13-14 നൂറ്റാണ്ടിൽ ചോളന്മാരുടെ പതനമോ,  അല്ലെങ്കിൽ കളഭ്രന്മാരുടെ അധിനിവേശം ചോളന്മാരെയും പാണ്ഡ്യന്മാരെയും പരാജയപ്പെടുത്തിയതോ ആകാം. രാഷ്ട്രീയ സാഹചര്യങ്ങളിലെ മാറ്റം, തൊഴിൽപരവും സാമൂഹിക-സാംസ്കാരികവുമായ മാറ്റങ്ങളും സമുദായതിന്റെ കുടിയേറ്റത്തിന് കാരണമായി ഭവിച്ചിരിക്കാനും ഇടയുണ്ട്.

അതുമല്ലെങ്കിൽ വെള്ളപ്പൊക്കം, വരൾച്ച തുടങ്ങിയ പ്രകൃതി ദുരന്തങ്ങളോ, അല്ലെങ്കിൽ പ്രതികൂലമായ സാമൂഹിക തൊഴിൽ സാഹചര്യങ്ങൾ, മതപരമോ, ജാതിപരമോ,  വിശാസപരമായോ ഉള്ള കാരണങ്ങളാലോ ആകാം. സമാധാനപരമായ സാമൂഹിക ജീവിതം മുന്നോട്ടു കൊണ്ടുപോകാനോ, ജീവിത നിലവാരം നിലനിർത്തുന്നതിനെയോ കാര്യമായി ബാധിക്കുകയും ചെയ്തിരിക്കാം.

"അതിശയകരമെന്നു പറയട്ടെ, മൂത്താൻ സമുദായത്തിന്റെ കുടിയേറ്റത്തിനുശേഷം ഇവർ മറ്റ് ദക്ഷിണേന്ത്യൻ സംസ്ഥാനങ്ങളിലുള്ളവരുമായി  ഒരു തരത്തിലുള്ള സാംസ്കാരികമോ സാമൂഹികമോ ആയ ബന്ധങ്ങളോ കൈമാറ്റങ്ങളോ തുടർന്നു കാണുന്നില്ല. ചില വ്യക്തമായ കാരണങ്ങളാൽ  ഭൂതകാലത്തിന്റെ ഒരു തുമ്പും അവശേഷിപ്പിക്കാതെ, പുതുതായി കണ്ടെത്തിയ ഭൂമിയിൽ മൂത്താൻമാർ സ്ഥിരതാമസമാക്കി.  ഇത് ഒരു സ്ഥലത്ത് നിന്ന് മറ്റൊരിടത്തേക്കുള്ള പൂർണ്ണമായ കുടിയേറ്റം പോലെയായിരുന്നു സംഭവിച്ചത്. ഇത്തരത്തിലുള്ള സമ്പൂർണമായ സമുദായ കുടിയേറ്റത്തെ കുറിച്ച് സാമൂഹിക പഠനങ്ങളിൽ ശ്രദ്ധിക്കപ്പെടാതെയോ രേഖപെടുത്താതെയോ പോയത്  അപൂർവവും ആശ്ചര്യമായതുമായ ഒരു വസ്തുതയാണ് "

ഒരുപക്ഷേ, കാലം അവരെ നെൽപ്പാടങ്ങളുടെയും, പാലമരങ്ങളുടെയും, പനകളുടെയും നാടായ പാലക്കാട് എന്ന സുരക്ഷിതമായ ഭൂമിയിലേക്ക് നയിച്ചിരിക്കാം.  കേരളത്തിന്റെ സാമൂഹിക വൃത്തങ്ങളിൽ ഉള്ള ഏക വൈശ്യർ എന്ന നിലയിൽ അവരെ അർഹമായ ബഹുമാനത്തോടും അന്തസ്സോടും കൂടിയാണ് ഇവിടെ സ്വാഗതം ചെയ്തത്. ക്രമേണ, അവർ പാലക്കാട്ടെയും കോഴിക്കോടെയും രാജാക്കന്മാരിൽ നിന്ന് തരിശ്/കാർഷിക ഭൂമി വാങ്ങുകയും. തുടർന്ന് ജന്മിമാർ അല്ലെങ്കിൽ കാര്യസ്ഥർ ആയി പ്രവർത്തിക്കുകയും ചെയ്തുവന്നു. അവർക്ക് പ്രാദേശിക, സാമൂഹിക സ്ഥാനപ്പേരുകളും, സാമൂഹിക പ്രത്യേകാവകാശങ്ങളും ഉണ്ടായിരുന്നു, അച്ചടക്കം,  വിശ്വാസ്യത, ജന്മസിദ്ധമായ കഴിവ്, കഠിനാധ്വാന സ്വഭാവം എന്നിവയാൽ സമൂഹത്തിൽ അന്തസ്സുറ്റ സാമൂഹിക സ്ഥാനങ്ങൾ നേടിയിരുന്നു.  ക്രമേണ സമുദായം കൂടുതൽ അഭിവൃദ്ധി പ്രാപിക്കുകയും സ്വതന്ത്രവും സവിശേഷവുമായ രീതിയിൽ സാമൂഹത്തിൽ മുന്നേറുകയും ചെയ്തു.

സാംസ്കാരിക സമന്വയം

'മൂത്താൻ സമുദായം ഒരു കുടിയേറിയ വിഭാഗമാണെന്നത് ചരിത്രപരമായ വസ്തുതയാണെങ്കിലും, അവർ കേരളത്തെ തങ്ങളുടെ ജന്മനാടായി തന്നെയാണ് ആദരിച്ചു പോന്നത്. കേരളം തന്നെയാണ് തങ്ങളുടെ ജന്മനാട് എന്നത് അവരിൽ ശക്തമായി വേരൂന്നിയ വിശ്വാസമാണ്, അവർക്ക് അവരുടെ ഭൂതകാലവുമായി യാതൊരു ബന്ധവും തുടർന്നില്ല എന്നത് ഇവിടെ എടുത്തു പറയേണ്ട കാര്യമാണ്. സാമൂഹിക കുടിയേറ്റത്തിന്റെ മുഴുവൻ ചരിത്രത്തിലും ഇത് വളരെ അപൂർവമാണ്.'

'ചരിത്രപായമായ കൗതുകമെന്ന് പറയട്ടെ, കേരളത്തിലെ മറ്റ് കുടിയേറ്റ സമുദായങ്ങളുമായി താരതമ്യപ്പെടുത്തുമ്പോൾ കേരള സംസ്കാരത്തെ പൂർണ്ണമായും സ്വന്തം സംസ്കാരമായി സ്വീകരിച്ച ഒരേയൊരു കുടിയേറ്റ സമുദായമാണിത്. മറ്റ് കുടിയേറ്റ സമുദായങ്ങൾ തമിഴ് തങ്ങളുടെ മാതൃഭാഷയായും, ആചാരങ്ങൾ അതേപടി തുടരുകയും ചെയ്തപ്പോൾ, മൂത്താൻമാർ അവരുടെ സ്വന്തം ഭാഷയായി മലയാളത്തെ ഹൃദയത്തോട് ചേർത്തു.  ശുദ്ധ മലയാളത്തിൻറെ തനതായ പാലക്കാടൻ വള്ളുവനാടൻ ശൈലി ഗുപ്തന്മാരുടെ സംഭാവനയായി കാണണക്കാക്കപെടുന്നു'. സാംസ്കാരികമായി സമുദായം കേരളത്തിലെ ആചാരങ്ങളും, വിശ്വാസങ്ങളും പലതും സ്വീകരിച്ചപ്പോൾ, അവരുടെ അവ്യക്തമായ ഭൂതകാലത്തിൽ നിന്ന് കൈമാറ്റം ചെയ്യപ്പെട്ട ചില സവിശേഷതകളും എന്നും നിലനിർത്തി പോന്നു. സ്വന്തം സംസാരഭാഷ പോലും പാടെ മാറ്റപ്പെട്ട ഒരു വിപ്ലവകരമായ രീതിയാണ് മൂത്താൻ സമുദായം തുടർന്ന് പോന്നത്. ഇത് അപൂർവവും, പ്രത്യേകിച്ച് ശ്രദ്ധിക്കപ്പെടേണ്ട ഒരു കാര്യവുമാണ്. ഇതിലൂടെ ഒരു സവിശേഷമായ സംസ്കൃതിയാണ് സമുദായം ഇവിടെ രചിക്കപ്പെട്ടത്. 

ലഭ്യമായ ചരിത്രമനുസരിച്ച്, സാമൂതിരിമാരുടെ ഭരണകാലത്ത് 14-15 നൂറ്റാണ്ട് മുതൽ കേരളത്തിലെ പാലക്കാട് ജില്ലയിൽ മൂത്താന്മാർ സ്ഥിരതാമസമാക്കിയതായി കണ്ടെത്തിയിട്ടുണ്ട്, കൂടാതെ അവരുടെ തൊഴിൽപരവും, വാണിജ്യപരവുമായ കാരണങ്ങളാൽ പാലക്കാട് സാമന്ത രാജവംശവുമായുള്ള ബന്ധവും പാലക്കാട് കണ്ടുവരുന്നു. 

നൂറ്റാണ്ടുകളായി, മൂത്താന്മാരും അതിന്റെ വിവിധ വിഭാഗങ്ങളും കേരളത്തിലെ, പ്രത്യേകിച്ച് പാലക്കാട് ജില്ലയിലെ ഏറ്റവും ശക്തവും സവിശേഷവും സാംസ്കാരികമായും സംഭാവന നൽകിവരുന്ന ഹിന്ദു സമുദായമായി ഉയർന്നുവന്നു.

.വേറിട്ട സാമൂഹിക കാഴ്ചപ്പാട്

സമുദായം തുടക്കം മുതൽ തന്നെ അവരുടെ സാമൂഹികവും - സാംസ്കാരികവും ആയ കാര്യങ്ങൾ സ്വയം പര്യാപ്തമായ രീതിയിൽ ചെയ്തുവരുകയും, നല്ലവണ്ണം ഇഴചേർന്ന ഒരു സമുദായമായി തുടരുകയും ചെയ്തു. സമുദായം പിന്തുടർന്ന സാമൂഹിക കാഴ്ചപ്പാട് വളരെ ഉദാരവും സോഷ്യലിസ്റ്റ് സ്വഭാവമുള്ളതുമായിരുന്നു, പ്രത്യേകിച്ച് ജാതി അധിഷ്ഠിത കാഴ്ചപ്പാടുകളാലും, തൊട്ടുകൂടായ്മയും നിലനിന്നിരുന്ന അന്നത്തെ കേരളദേശത്ത്‌.  പാലക്കാട്ടെ മറ്റ് സമുദായങ്ങളുമായി സമുദായം രമ്യമായ സോഷ്യലിസ്റ്റ് രീതിയിലുള്ള സാമൂഹിക ബന്ധങ്ങൾ എന്നും നിലനിർത്തി പോരാൻ ശ്രദ്ധിച്ചിരുന്നു എന്ന് എടുത്തു പറയേണ്ടതാണ്. സ്വന്തം സാംസ്കാരിക കാര്യങ്ങളും, വിശ്വാസങ്ങളും നിലനിർത്തുന്നതോടപ്പം ജാതിസ്പർദ്ധയുടെ വിവേചനപരമായ കാഴ്ചപ്പാടുകളിൽ നിന്ന് വേറിട്ട് നിന്ന ഒരു സമുദായമാണ് മൂത്താൻ സമുദായം.'

വിവിധ തരത്തിലുള്ള വാണീജ്യവും കൃഷിയും അവരുടെ പ്രധാന തൊഴിലായതിനാൽ, അവർ എല്ലാ സമുദായങ്ങളോടും സൗഹൃദപരവും നീതിയുക്തവുമായ രീതിയിൽ ഇടപഴകി വന്നു. യഥാർത്ഥത്തിൽ അവർ സമൂഹത്തിന്റെ വിവിധ തട്ടുകളെ ബന്ധിപ്പിക്കുന്ന ഒരു  പാലമായി പ്രവർത്തിച്ചു എന്ന് വേണം പറയാൻ.

for more details in English - Click the link below
https://www.moothan.com/about-moothan-community

Research, Collection and Compilation : 

by Gopakumar Radhakrishnan, Thodappath, Kavilpad, Palakkad